“Serbia pas Vuçiqit është diskutuar për një kohë të gjatë, jo vetëm në Europë, por edhe në vetë Serbinë dhe, me sa shoh unë, po luftohet me sukses. Të gjitha forcat demokratike në Serbi kanë kohë që kanë një përgjigje se çfarë lloj Serbie duan të kenë pas Vuçiqit”.
Kështu ka deklaruar ish-deputeti gjerman, Josip Juratoviq, i cili shërbeu për shumë gjatë në Bundestag dhe ishte edhe kryetari i Komisionit për Ballkanin Perëndimor.
Ai për N1 tha se për sa i përket rolit nga jashtë roli i tyre është mbështetja ndaj studentëve dhe demokratizimi i vendit dhe i opozitës.
I pyetur nëse Europa po mendon për temën “Serbia pas Vuçiqit”, Juratoviq thotë se është diskutuar prej kohësh.
“Dhe jo vetëm në Europë, por edhe në vetë Serbinë. Dhe me sa shoh unë – po lufton me sukses. Të gjitha forcat demokratike në Serbi kanë kohë që kanë një përgjigje se çfarë lloj Serbie duan të kenë pas Vuçiqit. Ata duan institucione funksionale që do të luajnë profesionalisht një rol kyç, duan të jenë pjesë e popujve të barabartë të BE-së, duan një Serbi të barabartë, të drejtë dhe të ndershme”.
