Pronari i kompanisë së çipsave “Vipa Chips”, Bedri Kasumi, ka shprehur shqetësimin e tij lidhur me rritjen prej 16.1% të çmimit të energjisë elektrike, që do të ndikojë drejtpërdrejt në rritjen e faturave për bizneset dhe qytetarët.
“Rritja prej 16.1% normalisht se do të sjellë fatura më të larta, gjë që do të ndikojë negativisht në ekonomi”, tha Kasumi. Ai tha se Kosova nuk është e përgatitur për kalimin në tregun e lirë të energjisë, pasi sipas tij, për momentin, bizneset po furnizohen vetëm nga një operator, KESCO, dhe nuk ekziston një treg i lirë konkurrues.
“Na është ofruar vetëm energjia nga një operator, dhe ai është KESCO. Operator tjetër nuk ofrohet për momentin, kjo tregon se nuk ka treg të lirë, por një monopol. Çmimi që na është ofruar është trefishi i atij që paguajmë tani,” tha Kasumi.
Sipas tij, kjo situatë do të ndikojë në rritjen e çmimit të produkteve të prodhuara nga kompania e tij.
“Në mënyrën që ne operojmë, duhet të rrisim çmimin e produktit final, dhe kjo do të reflektohet edhe në shitje, por edhe në numrin e të punësuarve,” përfundoi pronari i “Vipa Chips”.
Ndryshe, kompania “Vipa Chips” me pronar Bedri Kasumi ishte përfshirë në një skandal të madh para dy vitesh, ku një hulumtim i “Betimiperdrejtesi” kishte zbuluar se si çipsa me përbërje kancerogjene nga kjo kompani u shiten në tregun vendor dhe në Itali.
Në këtë skandali ishte indirekt e përfshirë e Agjencia e Ushqimit dhe Veterinarisë, e cila nuk e kishte informuar publikun për të mos konsumuar çipsat Vipa.
Betimi për Drejtësi 329: Çipsat kancerogjen që u shitën në Kosovë e Itali
Kryeinspektori sanitar i AUV nuk pranon se pati asgjësim, menaxheri i kompanisë po
Sllovenia identifikoi një rast të kimikatit kancerogjen në çipsin Vipa
Përkundër vendimit, AUV nuk e informoi publikun për të mos konsumuar çipsat Vipa
