Kosova pritet të ketë mot kryesisht të qëndrueshëm gjatë javës së ardhshme, me temperatura të zakonshme për korrikun dhe pa valë të theksuara vape, sipas parashikimit të Institutit Hidrometeorologjik të Kosovës.
Java nis me diell dhe vranësira të lehta, ndërsa të hënën dhe të martën nuk përjashtohen riga të shkurtra shiu në zona të izoluara. Temperaturat minimale do të lëvizin kryesisht nga 10 deri në 14 gradë Celsius, ndërsa ato maksimale nga 25 deri në 30 gradë. Era do të fryjë e lehtë deri mesatare, kryesisht nga veriperëndimi dhe perëndimi.
Nga e mërkura deri të premten moti pritet të stabilizohet më tej. Do të ketë intervale të gjata me diell dhe vranësira kalimtare, me temperatura maksimale që do të sillen ndërmjet 24 dhe 29 gradë Celsius. Të hënën, vlerat më të larta parashihen në Prizren, Gjakovë, Istog dhe Junik, deri në 30 gradë. Në Prishtinë pritet deri në 28 gradë, ndërsa në Dragash deri në 26 gradë.
