Gazetari Vehbi Kajtazi ka akuzuar Lëvizjen Vetëvendosje për “propagandë të ulët politike” me rastin e zhdukjes së një 33-vjeçari që kërceu nga ura në Liqenin e Ujmanit.
Sot, njësitë e Forcës së Sigurisë së Kosovës (FSK) kanë ndihmuar në nxjerrjen e trupit të një 33-vjeçari që u mbyt në liqenin e Ujmanit.
Ngjarja tragjike ka marrë edhe vëmendje politike në rrjetet sociale, ku janë publikuar fotografi nga vendi i ngjarjes.
Gazetari Kajtazi ka reaguar ashpër në Facebook. Ka thënë se një fotografi e automjeteve të FSK-së në veri, e shpërndarë nga Lëvizja Vetëvendosje, është manipuluar për qëllime propagandistike, duke i hequr makinat e KFOR-it nga imazhi, dhe duke lënë vetëm ato të FSK-së, për të krijuar përshtypjen se kjo e fundit ka zbarkuar në veri.
“Ketij soji te poshter politik ia kish pase lakmi edhe Joseph Goebbels. Qysh bre bahet nje propagande e tille? Demek FSK ateroi ne veri te Kosoves, nderkohe falsifikojne edhe fotografi.”
Ai vazhdon më tej duke i quajtur ata që qëndrojnë prapa kësaj propagande “nektofila”, pasi, sipas tij, po përpiqen të përfitojnë politikisht nga vdekja e të riut 33-vjeçar.
“Ju jeni nektofila!Sepse kqyrni me perfitu nga tragjedia e nje 33 vjeçari i cili u mbyt ne Ujmanin e çlituar. Qysh more kqyrni me perfitu nga vdekja e nje te riu?
Apo, mos kjo eshte platforma juaj e perfitimit politik mbi kufoma? Ju jeni te tille. Sepse keshtu e keni shty ne vetevrasje Astrit Deharin, per te perfituar nga vetevrasja e tij. Horra!”, ka shkruar Kajtazi.
