Pas përfundit të rundit të parë të zgjedhjeve, kandidati i PDK-së për kryetar të Mitrovicës, Arian Tahiri, ka nisur takime intensive me qytetarë dhe personalitete të shquara të jetës publike nga të cilët po merr mbështetje për rundin e balotazhit.
Ai sonte ka pasur edhe një takim të veçantë, ku është pritur në vizitë nga Arben Trepça, kandidat i VV-së për asamblist komunal në zgjedhjet e 12 tetorit.
Kandidati i LVV-së, Arben Trepça e ka falenderuar Arian Tahirin për vizitë, ku mbishkrimin në foto e ka përfunduar me fjalën respekt.
Kjo vizitë e tij te kandidati i VV-së vjen pak ditë pas fushatës zgjedhore, gjatë së cilës kandidati i VV-së për kryetar komune, Faton Peci ka marrë vazhdimisht kritika për arrogancë.
Veriu.info mëson se në ditët vijuese pritet që Arian Tahiri të marrë edhe mbështetje tjera publiku nga kandidatë për asamblistë nga shumica e partive politike në Mitrovicë.
