Dy rivalët e përbetuar në basketbollin kosovar, Sigal Prishtina dhe Trepça do të përballet sot në finalen e madhe të Superkupës së Kosovës në basketboll.
Mirëpo, marrë parasysh zhvillimet e fundit në veri të vendit, KB Trepça ka dal më një kërkesë zyrtare për dy tifozeritë e klubeve, raporton “Veriu.info”.
Përmes një postimi në Facebook, KB Trepça kërkoi nga tifozeritë të jenë janë të përmbajtura dhe në përkrahje të Policisë së Kosovës.
“Të mos shkaktojmë probleme sepse sot më shumë se çdo herë vendi na thërret. Do të ketë kohë edhe për rivalitet, sot duhet të fitoj Kosova”, thuhet në postimin e klubit./Veriu.info
Postimi i plotë:
Vendi ynë asnjëherë ska pas nevojë më shumë se sot për unitet. Andaj edhe ne si klub i ftojmë tifozëritë e të dy ekipeve që të na bashkangjiten në këtë thirrje.
E dijmë se rivaliteti në mes Trepçës dhe Prishtinës gjithmonë ka qenë, është dhe kurrë nuk do të vdes, po ashtu edhe rivaliteti në mes të Torcidës dhe Plisave asnjëherë nuk do të shuhet, por sot vendi ynë dhe tifozëritë tona si asnjëherë më parë kanë nevojë të janë të përmbajtura dhe në përkrahje të Policisë së Kosovës.
Të mos shkaktojmë probleme sepse sot më shumë se çdo herë vendi na thërret. Do të ketë kohë edhe për rivalitet, sot duhet të fitoj Kosova.
