Shkruan: Lorik Lipoveci
Presidentja e Republikës, me të drejtë e përdori veton dhe riktheu në Kuvend për shqyrtim Ligjin për Këshillin e Sigurisë. Kompetenca Kushtetuese e Presidentit/es nuk mund të merret me asnjë ligj! Ligji në çdo rast duhet të jetë në harmoni me Kushtetutën.
Përderisa Presidenca dje ka publikuar arsyetimin ligjor lidhur veton për këtë ligj për Këshillin e Sigurisë, unë do ta ngrisë një pyetje lidhur me një zbrazëtirë ligjore e cila duhet të shqyrtohet sa më parë nga të gjithë aktorët institucional por edhe tjerë sepse është shumë e rëndësishme për sigurinë shtetërore, sistemin juridiko -politik dhe të drejtat e njeriut.
Cilat janë kriteret ligjore për shpalljen e gjendjes së jashtëzakonshme? Kur duhet të shpallet gjendja e jashtëzakonshme?
Këto dy çështje duhet të jenë të rregulluara qartë dhe saktë, nuk duhet lejuar kurrfarë zbraztie ligjore që pastaj të interpretohet në mënyrë diskrecionale, sepse mund të keqpërdoret dhe të kemi pasoja të mëdha!
(Autor është njohës i çështjeve të sigurisë)
