Inspektorati shëndetësor javën e kaluar ka zhvilluar një aksion, ku ka mbyllur 8 institucione shëndetësore peivate të cilat operonin pa licencë, raporton Veriu.info.
Gazeta Online Veriu.info ka kërkuar qasje në dokumentet zyrtare të ministrisë së Shëndetësisë, ku nga ky institucion fillimisht na është prezantuar vetëm një listë me emrat e institucioneve shëndetësore private të cilat janë mbyllur, duke thënë se vendimet dhe shkresat tjera janë duke u hartuar dhe për momentin nuk mund t’i dërgojnë.
Përgjigja e ministrisë së Shëndetësisë:
Lista përbëhet nga 6 ordinanca logopedike, një poliklinikë dhe një laborator.
Lista e plotë e institucioneve të mbyllura, dërguar nga ministria e Shëndetësisë në adresë të Veriu.info:
Më poshtë gjeni detajet për secilin institucion shëndetësor të mbyllur nga Inspektorati Shëndetësor për mungesë të licencave:
1. Kabineti logopedik Logos ABC SHPK, me themeluese Betime Gosalci, vendi i operimit Prishtinë, lloji i shërbimit logopedi, data e inspektimit 23.06.2025.
2. Ordinanca lohopedike Logos, me themeluese Afërdita Dragaj, shërbimi logopedi, vendi i veprimtarisë Prishtinë, data e inspektimit 24.06.2025.
3. Poliklinika Euromed SHPK, me themelues Leart Jakupi, vendi i veprimtarisë Fushë Kosovë, data e inspektimit 24.06.2025.
Veriu.info ka raportuar dje për mbylljen e kësaj poliklinike ku me pas një person i prezantuar si avokat i këtij institucioni ka thirrur në redaksi duke thënë se këtu është mbyllur vetëm laboratori. Mirëpo në bazë të konfirmimit zyrtar nga ministria e Shëndetësisë thuhet se është mbyll e gjithë poliklinika.
4. Logopedia, me themeluese Ardita Devolli, vendi i veprimtarisë Prishtinë, data e inspektimit 24.06.2025.
5. Logopedia me Dafinën SHPK, me themeluese Dafina Veselaj, vendi i veprimtarisë Prishtinë, data e inspektimit 24.06.2025.
6. Instituti për shërbime psikologjike sociale Visar Sadiku SHPK, me themelues Visar Sadiku dhe Fidan Llugaliu, vendi i veprimtarisë Prishtinë, data e inspektimit 24.06.2025, ndalimi i shërbimeve shëndetësore logopedike.
7. Laboratori Arizona BI, me themelues Arizona Malaj, vendi Skenderaj, data e inspektimit 25.06.2025.
8. Ordinanca logopedik Logos, me themeluese Sevdije Marmallaku, vendi Prishtinë, data e inspektimit 26.06.2025.
Videon e plotë të realizuar nga Veriu.info e gjeni më poshtë:
Kujtojmë që sot ka reaguar përmes një postimi në faqen e saj Poliklinika Euromed e cila ka thënë se është mbyllur një laborator por jo edhe klinika në tërësi.
