Këngëtari dhe ish-banori i Big Brother VIP Kosova 3, Kevin Edmond, ka treguar se jeta e tij ka marrë një kthesë të madhe pas lidhjes me Anën, me të cilën tani ndan një kapitull të ri.
Në një emision televiziv, Edmond u shpreh se ka hequr dorë nga alkooli dhe daljet në klube për t’iu përkushtuar partneres dhe jetës familjare.
“Tani e kam Anën, duhet me u kujdes për të për familjen që e kemi ne të dy, për të gjitha që munden me ndodh. Më duhet të jem gati, nuk mund të dalë të festoj të pi alkool dhe të humb gjithë jetën ashtu. Tani është kapitull tjetër”, u shpreh Kevin.
Ai shtoi se është i përqendruar në dy gjëra: lidhjen dhe muzikën.
“Jemi shumë të lumtur, jemi tu punu shumë. Sidomos Ana, unë jam me muzikë. Nuk du me përzi shumë si influence, jam këngëtar”, tha Edmond.
Në fund, ai la të kuptohet se një fejesë mund të jetë në horizont, duke zbuluar se ka vendosur të jetojë në Kosovë.
