Avokati Arianit Koci ka parashtruar disa pyetje, lidhur me situatën politike në Kosovë.
Ai ka theksuar se për të zgjidhur bllokadën e shtetit, është e domosdoshme një ndryshim i kursit nga VV-ja.
Ai pyet nëse pajtohemi që kur VV-ja kishte mbi 50% të votave, gjithçka ishte në rregull, ndërsa tani që nuk i ka më ato vota, për të formuar shumicën, i duhet një partner tjetër.
Koci thekson se për ndryshimin e “rregullave të lojës”, siç është mënyra e votimit, duhet pajtimi i shumicës, dhe VV-ja nuk e ka këtë pajtim.
Për Kocin, problemi kryesor mbetet bllokada e kuvendit dhe ai sugjeron që hapi i parë duhet të jetë ndërrimi i kandidatit nga VV-ja, për të hapur rrugën për formimin e kuvendit.
