Në vitin 2016 komuna e Mitrovicës në bazë të vendimit të Kuvendit Komunal kishte lidhur kontratë me operatorin ekonomik “Lin Projekt Sh.P.K & Arjeta Group Sh.P.K” për dhënien në shfrytëzim të pronës së paluajtshme të komunës prej 19691m² (gati 2 hektarë) me qëllim të ngritjes/ndërtimit të objekteve të kompleksit të Pishinave Olimpike, projekt që ishte paraparë të realizohet sipas kushteve urbane në bazë të Planit Rregullues Urban.
Në neni 3 të kontratës thuhet se operatori ekonomik obligohet t’i ndërtojë objektet ashtu siç është paraparë në në ofertë. Ndërsa neni 4 thotë që përfundimi i ndërtimeve dhe funksionalizimi i tërësishëm duhet të bëhet brenda gjysmës së dytë të vitit 2020. Mirëpo, kur tashmë kemi hyrë në vitin 2023 duket se ky projekt nuk është zbatuar nga operatori ekonomik, sipas kushteve të parapara me rastin e dhënies së 19691m² (gati 2 hektarë) tokë në qytet për këtë kompani.
Nëni 12 i kontratës thotë se pjesë përbërse e kontratës është edhe oferta e operatorik ekonomik, i cili në pikën/kapitullin 12 të ofertës ka treguar se si do ta bëjë investimin prej 4 milionë e 590 mijë euro (shih dokumentin e mposhtëm).
Kur jemi në janar të vitit 2023, pra më shumë se dy vite prej kur është paraparë realizimi i projektit në bazë të të cilit operatori ekonomik ka përfituar 19691m² (gati 2 hektarë) tokë komunale në pjesën urbane të qytetit, jo i gjithë investimi është realizur.
Veriu.info në tetor të vitit të kaluar i ka bërë kërkesë për qasje në dokumente zyrtare komunës së Mitrovicës, e cila është përgjigjur pozitivisht në dhënien e qasjes në kontratë, aneks kontratë dhe plan të biznesit.
Pas analizimit të kontratës, Veriu.info ka ardhur deri të dyshimi i bazuar se kontrata nuk është realizuar, rrjedhimisht është shkelur nga operatori ekonomik dhe për të konfirmuar këto dyshime me 6 dhjetor i janë dërguar pyetjet e mëposhtme zyrës për informim të komunës së Mitrovicës:
- A eshte formuar dhe a eshte funksional komisioni per verifikim – mbikqyrjen dhe mbarevajtjen e punimeve dhe permbushjes se obligimeve kontraktuese, i parapare me nenin 8 te kontrates nr.01/46383918 te lidhur mes komunes se Mitrovices dhe operatorit ekonomik?
- Afati i perfundimit te teresishem te punimeve ne baze te kontrates eshte gjysma e dyte e vitit 2020, a e ka verifikuar komuna e Mitrovices permes mekanizmave te saj permbushjen e teresishme te obligimeve nga operatori ekonomik qe rrjedhin nga kjo kontrate?
- A e ka verifikuar komuna, ashtu sic e ka obligim, permbushjen e obligimit te operatorit ekonomik per t’i pasur 75 punetore pas funksionalizimit te pishinave?
- A e ka verifikuar komuna, ashtu sic e ka obligim, permbushjen e obligimit te operatorit ekonomik per realizimin e 4 milion e 590 mije euro investim sipas pikes 12 te planit te biznesit ku eshte e specifikuar se si te behet vlere investive neper kategori?
- A eshte ndertuar “Hotel restaruant me pishine te mbyllur” sipas pikes 12 te planit te biznesit ne vlere prej 2.5 milion euro?
- A eshte ndertuar “pishina olimpike e hapur” sipas pikes 12 te planit te biznesit ne vlere prej 480 mije euro?
- A jane nderuar dy parkingjet ne vlere prej 230 mije euro sipas pike 12 te planit te biznesit?
Mirëpo, kur kanë kaluar një muaj nga dërgimi i pyetjeve komuna e Mitrovicës nuk është përgjigjur akoma, anipse prapë më 4 janar i kemi ripërsëritur pyetjet dhe prapë nuk na është kthyer asnjë përgjigje. Veriu.info do të vazhdojë të raportoj për rastin deri në zbardhjen e plotë të së vërtetës për (mos)realizimin e këtij projekti nga operatori ekonomik që ka përfituar 19691m² (gati 2 hektarë) tokë komunale në zonën urbane të qytetit, edhe pse komuna e Mitrovicës me mos përgjigje në pyetje po krijon dyshime për fshehje eventuale të fakteve për rastin.
Ndryshe, në qershor të vitit 2020 me kërkesë të operatorit ekonomik ishte lidhur aneks kontratë mes komunës së Mitrovicës dhe operatorik ekonomik, ku i ishin bartur të gjitha të drejtat e kontratës operatorik ekonomik “Lin Projekt”
