Është raportuar për një të vdekur në Skenderaj. Trupi i viktimës është gjetur nga familjarët në një zonë mali që ishte kapluar nga zjarri, përcjell Veriu.info.
Policia ka konfirmuar për VeriuInfo se viktima është një person i moshës 77 vjeçare.
“Rreth orës 18:00, është raportuar se në fshatin Rezallë të Skenderajt, është gjetur pa shenja jete viktima mashkull i moshës 77 vjeçar. Bazuar në informatat e para, bëhet e ditur se trupi i pajetë i viktimës është gjetur nga familjaret e tijë në një zonë mali që ishte kapluar nga zjarri”, ka thënë zëdhënësi i policisë Avni Zahiti për VeriuInfo.
Bëhet e diturbse hetuesit policor me autorizim të prokurorit kanë nisur hetimet për rrethanat dhe shkaqet e ngjarjes.
Me urdhër të prokurorit, trupi i pajetë i viktimës është dërguar për obduksion në IML.
