Ashtu si garderoba edhe dieta kërkon një ndryshim dimëror. Këshillohet që të përfshini disa ushqime që gjenerojnë nxehtësi në trup në mënyrë natyrale.
Ndërsa temperatura bie, trupi ynë duhet të punojë shumë për të na mbajtur ngrohtë. Ushqimi i duhur mund të na ndihmojë të gjenerojmë nxehtësinë shumë të nevojshme dhe të sigurohemi që të na mbrojë nga i ftohti si dhe nga disa sëmundjet e dimrit. Këtu janë disa ushqime të sugjeruara nga dietologia, Anupama Menon, për të ndihmuar në rritjen e imunitetit.
Fruta të thata: Bajamet, arrat, kikirikët janë të mbushura me proteina, vitaminë E, C, acide yndyrore omega-3, folate dhe antioksidantë që na ndihmojnë të qëndrojmë ngrohtë dhe të forcojmë imunitetin, shkruan Hindustantimes, transmeton Klankosova.tv.
Perimet me rrënjë: Këshillohet të konsumoni perime dhe fruta të stinës për imunitet më të mirë. Patatja e ëmbël, rrepa, karota dhe panxhari janë perime me rrënjë që mund ta mbajnë trupin të ngrohtë pasi kanë përqendrim të lartë të antioksidantëve, vitaminës A dhe C. Kanë edhe minerale si hekuri dhe kaliumi mund të ndihmojnë në luftimin e sëmundjeve kronike, shenjave të plakjes dhe detoksifikoni trupin.
Erëzat: Në dimër rekomandohet të hani shumë bishtaja të stinës dhe erëza si kanellë, gjethe dafine dhe piperi të zi. Këto erëza mund të ndihmojnë tretjen, të kurojnë dhimbjen e fytit dhe të ndihmojnë në reduktimin e rreziqeve e simptomave të disa llojeve të infeksioneve.
Xhenxhefil dhe hudhër: Shtojini ato në supë për të marrur përfitime që përmbajnë. Për shkak të vetive të tij anti-inflamatore, antiseptike dhe anti-gastrike, xhenxhefili ndihmon në përmirësimin e tretjes dhe mban larg problemet e stomakut. Hudhra përmban alicinë, e cila përmban përbërës organosulfurik që forcojnë përgjigjen imune. Ngrënia e hudhrës çdo ditë mund t’ju ndihmojë të luftoni ftohjen, kollën, gripin dhe infeksione të tjera që ndodhin zakonisht në dimër.
