Kryetari i KQZ’së në Shqipëri, Ilirjan Celibashi, bashkë me stafin e tij e kanë vizituar KQZ’në në Kosovë.
“Kjo vizitë i parapriu fillimit të punëtorisë së përbashkët ndërmjet të dy institucioneve në qendër të së cilës është është forcimi i bashkëpunimit mes dy institucioneve dhe shkëmbimi i përvojave në lidhje me informimn dhe edukimin e votuesve, votimin jashtë vendit, përdorimin e teknologjisë informative në zgjedhje dhe raportimin digjital të financave të partive politike.”
Në fillim të kësaj punëtorie, Radoniqi, përmendi huazimin e kamerave për nevoja të Qendrës së Numërimit dhe Rezultateve gjatë Zgjedhjeve Lokale të vitit 2021 dhe gjatë procesit të votimit më 21 prill 2024.
Gjithashtu, kryesuesi Radoniqi njoftoi edhe me ecurinë e organizimit të Zgjedheve për Kuvendin e Kosovës, të cilat do të mbahen më 9 shkurt 2025.
“Ndërkaq, Komisioneri Shtetëror, z. Celibashi theksoi se bashkëpunimi mes dy institucioneve është forcuar dhe ka dhënë rezultate të prekshme për të dy palët. Celibashi theksoi se dy KQZ-të kanë eksperienca sa të ngjashme aq edhe të ndryshme në proceset zgjedhore, ndaj shkëmbimi i këtyre përvojave do të ndihmojë në identifikimin e sfidave dhe marrjen e masave për mirëorganizimin e proceseve zgjedhore. Komisioneri Celibashi solli në vemendje votimin nga jashtë të shtetasve të Kosovës, përvojë e cila do t’i shërbejë KQZ-së së Shqipërisë në përgatitjen e procesit të votimit nga jashtë të shtetasve shqiptarë në vitin 2025.”
