Profesori Milazim Krasniqi ka reaguar ndaj deklaratës së Ambasadës së SHBA-së për mbylljen e qendrave sociale serbe në veri, duke thënë se veprimet e fundit të qeverisë Kurti janë pjesë e një strategjie për përkeqësimin e marrëdhënieve me SHBA-në.
“Nuk e di a e kanë ende të qartë në ambasadë që Kurti punon pikërisht për të prishur marrëdhëniet e Kosovës me SHBA-në. Atë synim kishte kriza e prodhuar me targat, pastaj ajo me inaugurimin e kryetarëve në katër komunat veriore, si edhe tentimi për ta hapur Urën e Ibrit, pa akord me NATO-n”, tha Krasniqi.
Ai po e sheh qasjen e kryeministrit Kurti ndaj SHBA-së si një përplasje ideologjike me pasoja për Kosovën.
“Qëndrimi i Kurtit ndaj marrëdhënieve të Kosovës me SHBA-në është tipik ideologjik: lufta kundër imperializmit amerikan. Nëse ambasada amerikane nuk e ka të qartë këtë luftë, zyrtarët e saj janë nër lula”, shtoi tutje Krasniqi.
