Komuna e Fushë Kosovës e udhëhequr nga LDK po kritikohet se organizoi panairin bujqësor në fund të sezonës së mërgimtarëve dhe i cili zgjati vetëm 1 ditë e gjysmë, raporton Gazeta Online Veriu.info.
Këtë kritikë e ka drejtuar Rahim Tërnava, kandidat i PDK-së për kryetar të kësaj komune.
Ai ka thënë se ky event u vu në shërbim të fushatës së kandidatit të LDK-së, Besnik Osmani.
Postimi i plotë:
Në kohën e fushatës zgjedhore, pas 24 viteve udhëheqje, komuna e Fushë-Kosovës në fund të sezonës për mërgimtarët organizoi të ashtuquajturin “panair”, që zgjat vetëm një ditë e gjysmë dje dhe sot deri në orën 15:00!
Në këtë panair munguan shumë blegtorë. E gjithë komuna u vu në shërbim të fushatës së kandidatit, ndërkohë që nga blegtorët nuk pati përfaqësim.
Një organizim i tillë, pa praninë e blegtorëve, i shërben vetëm fushatës.
Bujqit dhe blegtorët kanë nevojë për përkrahje të vërtetë dhe subvencione konkrete, në mënyrë që të zhvillojnë veprimtarinë e tyre, e jo për organizime formale pa prezencën e tyre.
Unë do t’i përkrah 100%,në zhvillim, punë dhe në krijimin e një të ardhmeje më të mirë dhe jo vetëm për fushatë.
