Dje, Veriu.info kishte raportuar se si kompania “Aurora Group” ka nisur ndërtimin e një objekti banesor pa leje në Iliridë të Mitrovicës.
Pas raportimit të Veriu.info, inspeksioni komunal i’a vendos shiritin në vendpunishten ku nisi ndërtim pa leje “Aurora Group”, ani pse sipas kryeinspektorit të ndërtimit, Vehbi Ahmeti, punimet ishin ndaluar në ora 11:00, po që shiritat iu vendosen vetëm pasdite.
Foto: Dje, pas raportimit të Veriu.info
“Në orën 11:00 kemi dal në terren dhe i kemi ndërprerë punimet, pasi që nuk ka leje ndërtimi”, ka thënë Vehbi Ahmeti për Veriu.info.
Mirëpo, kompani “Aurora Group” sot i ka hequr në mënyrë të kundërligjshme shiritat e inspeksionit komunal të vendosur në vendpunishten e tyre dhe ka vazhduar punën normalisht.
Foto: Sot, rreth orës 13
Veriu.info në ora 13:22 ka kontaktuar me shefin e sektorit të ndërtimit në inspeksionin komunal të Mitrovicës, Vehbi Ahmeti, për ta pyetur për heqjen e shiritave nga “Aurora Group”, ku ai ka thënë se do të dalë në terren për 30 minuta për ta verifikuar situatën.
Por kryeinspektori i ndërtimit Vehbi Ahmeti nuk ka dalë në terren, duke i mundësuar kompanisë “Aurora Group” vazhdimin e punimeve pa leje dhe shkeljen e ligjit me rastin e heqjes së shiritit të vendosur nga inspektorët.
Veriu.info rreth orës 15:30 ka kontaktuar prapë me kryeinspektorin e ndërtimit, Vehbi Ahmeti, po tash ai i ka ndërruar fjalët, duke thënë se gjendet në seminar.
“Jam në një seminar, kur të shkoj në komunë marr informacione edhe të lajmëroj”, ka thënë Ahmeti për Veriu.info.
LEXONI EDHE:
