Me 6 dhjetor 2021 Ferit Idrizi kishte pranuar zyrtarisht detyrën e kryetarit të Vushtrrisë, duke pasuar në këtë pozitë Xhafer Tahirin e LDK-së.
Dy ditë pasi mori detyrën e kryetarit, Ferit Idrizi kishte emëruar drejtor të Drejtorisë së Prokurimit, zyrtarin komunal Hyda Dallku.
Mirëpo, shtatë muaj më pas Hyda Dallku ishte larguar nga kjo detyrë, për t’u emëruar në këtë pozitë si ushtrues detyre një zyrtar tjetër komunal, Xhafer Islami.
Pa i bërë dy muaj nga në krye të detyrës, Xhafer Islami ishte larguar nga U.D. i Drejtorit të Prokurimit, pasi që si drejtor ishte emëruar Albanez Tahiraj, i cili paraprakisht kishte qenë drejtor i Drejtorisë për Gjeodezi, Kadastër dhe Pronë.
Albanez Tahiraj ishte drejtori më jetëgjatë në këtë pozitë, pasi që atë e ka ushtruar deri në dhjetor të vitit të kaluar, prej ku edhe ishte transferuar si drejtor në një drejtori tjetër, që është Drejtoria e Arsimit.
Më 4 dhjetor 2023 në pozitën e Drejtorit të Prokurimit, Ferit Idrizi kishte emëruar asamblistin e PDK-së në Kuvendin Komunal të Vushtrrisë, Ilmi Azemi.
Por duket se raporti mes Ferit Idrizit dhe Ilmi Azemi nuk eci mirë në fillet e tij, më ç’rast ky i fundit u larguar nga kjo pozitë në maj 2023.
Pas largimit të Ilmi Azemit, kryetari i Vushtrrisë, Ferit Idrizi më 14 maj 2024 kishte emëruar si drejtor të Drejtorisë së Prokurimit, zyrtaren komunale Azize Krasniqi. Por pa u bërë akoma një muaj nga emërimi i saj, ajo u largua nga kjo pozitë.
Ferit Idrizi duket se i ra pishman largimit të Ilmi Azemit, pasi që të njëjtin e riktheu drejtor të Drejtorisë së Prokurimit më 4 qershor 2024. Largimi i një drejtori dhe rikthimi i tij si drejtor brenda 3 javësh, mund të jetë rekord i largim-emërimeve në pozitat e drejtorëve në Kosovë. Se pse dhe si e riktheu drejtor të Prokurimit, Veriu.info është duke hulumtuar rastin.
(Në shkrimin e radhës: Si i fsheu Ferit Idrizi emërimet dhe largimet e drejtorëve të Drejtorisë së Prokurimit)
