Kryetari i AGK-së, Xhemajl Rexha, ka thënë se qëllimi i pushtetit është “t’i paraqesë mediat si armikun e popullit” në vazhdën e sulmeve brutale të ditëve të fundit.
Sipas tij, kjo Qeveri synon që t’i bindë qytetarët mos t’u besojnë mediave edhe kur ka raportime me zë, me figurë e me kontrata.
“Me të vërtetë ka qenë prej ditëve ku është dashur të reagojmë çdo një orë, çdo dy orë, siç i kemi parë. Gjithçka është një sulm i orkestruar. Qëllimi i kësaj Qeveri është t’i paraqesë mediat si armikun e popullit. T’i bëjë thirrje njerëzve të saj, votuesve të saj të mos besojnë në media edhe kur ato me zë me figurë, siç ka ndodhur me përgjimet e Nacionales me Kusari-Lilën të cilat japin dëshmi ose me kontrata, me çka do, ideja është që të krijohet një ambient toksik.” – tha ai në “Pressing”
