Kryetari i komunës së Vushtrrisë, Ferit Idrizi, ka vizituar sot ndërmarrjen publike lokale “Përparimi”.
Idrizi ka takuar aty edhe djalin e heroit Afrim Bunjaku, i cili u punësua nga Idrizi vitin e kaluar, duke dëshmuar përkushtimin për familjen e heroit që dha jetën për mbrojtjen e sovranitetit dhe ligjshmërisë në shtator 2023, raporton Gazeta Online Veriuinfo.
Kujtojmë që asnjë familjar i Afrim Bunjakut nuk u punësua në institucionet qendrore të udhëhequra nga qeveria Kurti.
Postimi i plotë:
Sot vizitova Ndërmarrjen Publike Lokale “Përparimi”, për t’i falënderuar për punën e palodhshme dhe për të rikonfirmuar përkrahjen e plotë të Komunës së Vushtrrisë për ndërmarrjen dhe për të gjithë punëtorët.
Gjatë kësaj vizite, patjetër që takova edhe Jetlumin, punëtorin shembull të ndërmarrjes, i cili njëherësh është edhe biri i heroit Afrim Bunjaku.
Qoftë një vit i mbarë dhe faleminderit për punën e palodhshme.
