Një mosmarrëveshje banale për shkak të një mulliri është kthyer në skenë dhune dhe rreziku serioz për jetë në fshatin Nadakofc të Vushtrrisë.
Burime të Sinjalit konfirmojnë se Arif Muli , 48 vjeçar është arrestuar nga Policia, pasi dyshohet se së bashku me dy persona të tjerë (ende në arrati) kanë sulmuar fizikisht një burrë dhe kanë qëlluar me armë zjarri në drejtim të tij.
Shkaku? Viktima, A.B. (1981), kishte refuzuar t’ia çonte grurin në mullirin e fshatit Bukosh, duke i thënë se ka tollovi dhe nuk ka mundësi.
Kjo përgjigje ka acaruar Mulin, i cili, sipas viktimës, e ka ndjekur me dy të tjerë, e kanë rrahur dhe më pas ai ka nxjerrë armën duke shtënë në ajër.
I dyshuari u arrestua pranë shtëpisë së tij, ndërsa Policia ka sekuestruar një armë ZORAKI 917-T, dy gëzhoja dhe një karikator.
Me urdhër të Prokurorit, ai është ndaluar për 48 orë, ndërkohë që rasti është cilësuar si “Lëndim i lehtë trupor”, “Mbajtje pa leje e armës” dhe “Përdorim i mjetit të rrezikshëm”.
Dy bashkëpjesëmarrësit janë ende në kërkim.
