Kryetari i Komunës së Mitrovicës, Faton Peci, ka bërë homazhe në Prekaz Memorial Complex në përvjetorin e 28-të të Epopeja e UÇK-së, duke nderuar rënien heroike të familjes së Adem Jashari.
Ai theksoi se Epopeja e UÇK-së mbetet simbol i lirisë dhe sakrificës, duke shtuar se kujtesa për familjen Jashari forcon themelet e së ardhmes së vendit. Pas homazheve në Prekaz, Peci qëndroi edhe në varrezat e dëshmorëve në Shipol, ku u përkul para sakrificës së atyre që ranë për lirinë e Kosovës.
“Sot në Prekaz, në marsin e 28-të të Epopesë së UÇK-së, përkulemi për të nderuar rënien heroike të familjes Jashari, që mbanë gjallë kujtesën e lavdishme të së kaluarës, e cila forcon themelet e së ardhmes. Pas Prekazit, u ndalëm edhe në varrezat e dëshmorëve në Shipol, për të kujtuar se liria jonë mban emrat dhe sakrificën e atyre që ranë për të. Plagë, krenari, betim”, ka shkruar Peci në Facebook.
Ajo që bie në sy në fotot e publikuara është distanca fizike e Pecit me drejtorëve komunal nga VV-ja, ku më afër e ka mbajturin drejtorin që vjen nga LDK-ja, Gazmend Asllani.
Këto vizita të tij janë bërë në kohën kur ish kryetarja e tij dhe bashkëthemeluesja e GUXO-s, Vjosa Osmani ka shpërndarë me dekret Kuvendin e Kosovës, veprim të cilin LVV e Albin Kurtit e ka quajtur kundërkushtetues./Veriu.info
