Kreu i VV-së, Albin Kurti, tha se PDK dhe LDK e kanë keqlexuar aktgjykimin dhe po e keqinterpretojnë atë publikisht.
Kurti pretendon se Gjykata Kushtetuese s’e ka shpallur Komisionin jokushtetues, dhe se askund nuk thuhet që Avni Dehari ka bërë ndonjë shkelje.
“PDK dhe LDK e kanë keqlexuar aktgjykimin dhe po e keqinterpretojnë atë publikisht. Nuk është as qëllimi dhe as kuptimi ajo që po thuhet nga PDK dhe LDK. Gjykata Kushtetuese nuk ka thënë që Komisioni është jokushtetues dhe nuk thotë askund që Avni Dehari ka bërë shkelje. Nuk mund ta gjeni asnjë fjali, prej se ka filluar me seancën konstituive”, ka thënë Kurti pas takimit me liderët politikë.
