Kryeministri i Kosovës, Albin Kurti dhe mininstri i Bujqësisë, Pylltarisë dhe Zhvillimit Rural, në një konferencë të përbashkët, kanë shpalosur programin e pagesave direkte dhe të mbështetjes së kësaj ministrie.
Kurti ka thënë se buxheti për këtë ministri si asnjëherë më parë do të arrijë shifrën 87 milionë euro.
“Buxheti për bujqësi për vitin 2023 për herë të parë do të arrijë shifrën 87 milionë euro, bashkë me mbështetjen nga fondet e jashtme pritet ta kalojë vlerën prej 100 milionë eurove”, ka thënë Kurti.
Më tej ai ka thënë se janë duke garuar me veten në këtë sektor.
“Garën me veten në fushën e bujqësisë po e rifillojmë sot, vetëm në ditën e gjashtë të vitit si asnjëherë më parë së bashku me ministrin Faton Peci po shpalosim para jush programin për pagesa direkte 2023. Ky program në krahasim me atë të viti 2022 mes tjerash ka disa risi të cilat ne jemi të bindur se do të kontribojnë në sektorin e bujqësisë”, ka thënë Kurti.
Ministri i Bujqësisë, Pylltarisë dhe Zhvillimit Rural, Faton Peci ka shpalosur specifikisht ndihëm e ministrisë në këtë sektor.
“Po e vazhdojmë përkrahjen e madhe për kulturat strategjike sic jane gruri në vlerë prej 474 euro, misri prej 329 euro, patatja 654 euro, fasulja 654 euro për hektar”, ka thënë ai. / Gazeta10
