Kryeministri Kurti ka pritur në takim edhe deputetin e zgjedhur të komunitetit goran, Kryetarin e Partisë Unike Gorane, Adem Hoxha.
Në njoftimin e lëshuar nga ZKM, nuk bëhet e ditur nëse Kurti ka marrë konfirmim prej tij për votën pro për formimin e institucioneve.
“Në kuadër të takimeve konsultative me përfaqësues politikë të komuniteteve joshumicë për konstituimin e Kuvendit dhe formimin e Qeverisë, Kryeministri i Republikës së Kosovës priti në takim deputetin e zgjedhur që përfaqëson komunitetin goran në Kuvendin e Republikës, Kryetarin e Partisë Unike Gorane, Adem Hoxha.Në takim u theksua rëndësia e seancës konstituive të Kuvendit të datës 15 prill në procesin e formimit të institucioneve të legjislaturës së 9-të dhe roli e angazhimi i partive politike në parlament për të përfaqësuar dhe përmbushur vullnetin e qytetarëve të shprehur me 9 shkurt” thuhet në njoftimin e ZKM-së.
