Kurti viziton lokacionin e gërmimeve në Zubin Potok Kryeministri në detyrë i Kosovës, Albin Kurti është duke zhvilluar vizitë në vendin e gërmimeve në Zubin Potok.
Dyshohet se në këtë lokacion gjenden mbetje mortore të 23 personave të zhdukur gjatë luftës. Deri më tani janë ndaluar dy persona ndërsa gjatë ditës së djeshme janë kryer bastisje te njëri i ndaluar. Pas vizitës pritet të ketë deklarim për media nga kryeministri siç raporton Ekonomia Online.
Kryeprokurori i Prokurorisë Speciale të Kosovës, Blerim Isufaj, më parë ka konfirmuar se mbetjet mortore në varrezën e dyshuar masive në Kalludër të Vogël të Zubin Potokut janë me origjinë njerëzore, teksa kishte bërë thirrje që komuniteti të mos deklarohet shumë për rastin me qëllim që të mos dëmtohen hetimet.
