Gerard Pique është rikthyer sërish në ballinat e mediave, për shkak të një afere dashurie.
Kjo aferë mund t’i kushtojë atij me ndarjen nga Shakira, derisa raportohet se dyshja janë duke jetuar ndamas tashmë.
Krejt kjo sipas “El Periodico”, derisa gazeta spanjolle jep tani më shumë detaje për aferën e mbrojtësit katalunas.
Lorena Vazquez dhe Laura Fa, që janë dy gazetare në “El Periodico” raportojnë se Pique është konfirmuar me një vajzë 20-vjeçare, bjonde, e cila është studente dhe një organizatore eventesh në Barcelonë.
Por, identiteti i saj ende nuk është bërë i ditur.
Raportohet se Pique është parë me këtë femër disa herë dhe se Shakira tashmë e ka marrë vesh një gjë të tillë, shkruan FrontOnline.
Pique dhe Shakira kanë nisur lidhjen e dashurisë pas Kupës së Botës 2010, por që kurrë nuk u martuan.
Dyshja kanë dy fëmijë, Milan dhe Sasha.
Por, raportohet mes tyre janë të tensionuara dhe pritet t’i japin fund lidhjes së tyre tani.
