Gjykata Kushtetuese e ka konfirmuar se e ka pranuar dhe është duke e shqyrtuar ankesën e Listës Serbe lidhur me zgjedhjen e Nenad Rashiqit si nënkryetar të Kuvendit nga radhët e komunitetit serb.
Gjykata thotë se vendimi do të merret pasi të shqyrtohen të gjitha pretendimet.
“Kjo kërkesë aktualisht është duke u proceduar nga Gjykata. Vendimi do të merret pasi që të shqyrtohen të gjitha aspektet kushtetuese të pretendimeve të bëra në kërkesë nga pala parashtruese, në përputhje me Kushtetutën, Ligjin për Gjykatën Kushtetuese dhe Rregulloren e punës së Gjykatës”, thuhet në përgjigjen e Kushtetueses, shkruan KOHA.
Listës Serbe thotë se janë shkelur Kushtetuta, Rregullorja e punës së Kuvendit, si dhe aktgjykimi i mëparshëm i Kushtetueses kur është zgjedhur Rashiqi si nënkryetar.
Lista Serbe ka kërkuar vendosjen e një mase të përkohshme për të ndaluar, siç kanë thënë, veprimet antikushtetuese që mund të shkaktojnë dëme të pakthyeshme.
