Një skandal i rëndë ka ndodhur mbrëmë në stacionin policor në Mitrovicë, pasi që një person i arrestuar ka arritur t’ia vjedh armën zyrtare një zyrtareje policore.
Vjedhja raportohet të ketë ndodhur, derisa Riad Tahiri ishte shoqëruar të intervistohet në stacionin policor të Mitrovicës së jugut pikërisht për armëmbajtje pa leje.
Foto: I arrestuari, Riad Tahiri
Mirëpo, neglizhenca e zyrtarëve policor ka bërë që ai gjatë kohës sa po intervistohej të vidhte armën zyrtare të një zyrtareje policore brenda këtij stacioni, por që askush nuk e kishte kuptuar derisa ai ishte transferuar në stacionin policor në Mitrovicën e veriut dhe tek atje gjatë kontrollës u zbuluar se kishte vjedhur armën e policisë në stacionin e jugut.
Burime të Veriu.info bëjnë të ditur se pas këtij skandali janë suspenduar dy zyrtarë policor: Fikrije Imeri dhe Shkëlqim Osmani.
Veriu.info ka arritur të siguroj një fotografi të policit të suspenduar, Shkëlqim Osmani.
Foto: Polici i suspenduar, Shkëlqim Osmani
