Gazeta Sinjali ka mësuar identitetin e policit që u përfshi në një incident fizik sot në Prizren, ku siç raportuam më herët, në rrahje janë përfshirë dy persona civilë dhe një zyrtar policor jashtë detyrës.
Sipas burimeve të sigurta, zyrtari policor i përfshirë është Fatijan Shehu, i cili dyshohet se bashkë me vëllain e tij kanë sulmuar fizikisht një qytetar, duke i shkaktuar lëndime të lehta trupore.
Rasti ka ndodhur në një lokacion të frekuentuar të qytetit, ku Policia është parë duke ndërhyrë menjëherë për të ndalur përplasjen dhe për të vendosur kontrollin në situatë.
Sipas informacioneve nga Prokuroria, rasti është cilësuar si “Lëndim i lehtë trupor”, dhe ndodhet në trajtim nga organet kompetente, ndërkohë që priten veprime të mëtejme hetimore.
Gazeta Sinjali do të vazhdojë ta ndjekë këtë rast dhe të sjellë zhvillimet e radhës sapo të konfirmohen nga burime zyrtare.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
