Ende nuk ka kaluar as gjysma e vitit, dhe kampioni evropian ka arritur në kuotën e 105 golave të shënuara.
Ata i shtuan edhe sot katër sosh pasi mundën Atletico Madridin 4:0 në Kupën e Botës për Klube.
Me yje si Kvicha Kvaratskhelia, Vitinha, Ousmane Dembele, Desire Doue e Bradley Barcola, PSG-ja ka dominuar kundërshtarët në çdo kompeticion, duke u shndërruar në një makinë golash që e lë shenjën e saj në çdo ndeshje.
Padyshim merita të mëdha ka trajneri Luis Enrique i cili ka bërë revolucion në skuadër pas ikjes së Kylian Mbappe-së.
