Para dy ditësh departamenti i Krimeve Ekonomike në Policinë e Kosovës bastisi objektin e ministrisë së Mjedsit, Planifikimit Hapësinor dhe Infrastrukturës, kurse nga aty edhe shtëpinë e zëvendës sekretarit të këtij dikasteri, Izedin Bytyqin, të cilin e arrestoi, raporton Gazeta Online Veriu.info.
Por zyrtari tjetër i ministrisë, i dyshuar sikurse Bytyqi, Naser Hafizi, nuk u gjet në shtëpinë e tij e as në ministri.
Hafizi është lajmëruar më vonë nga Frnca.
Ai sapo ka arritur në aeroportin e Prishtinës, është shoqëruar nga Policia e Kosovës.
Veriu.info ka qëndruar në aerport dhe ka sjellur pamje ekskluzive nga atje.
Naser Hafizi, Ushtruesi i detyrës së Udhëheqësit të Autoritetit të Rajonit të Pellgjeve Lumore në Ministrinë e Mjedisit, Planifikimit Hapësinor dhe Infrastrukturës, është arrestuar sot në Aeroportin Ndërkombëtar të Prishtinës.
Hafizi dyshohet për përfshirje në aferën e faljes së borxheve për kompanitë e ambalazhuesve të ujit.
Sipas Prokurorisë Speciale Hafizi është nën hetim për veprat penale të “Keqpërdorimit të detyrës apo autoritetit zyrtar,” “Shpëlarjes së parave” dhe “Mosraportimit apo raportimit të rremë të pasurisë, të ardhurave, dhuratave dhe detyrimeve financiare.”
