Kompania e mirënjohur e mobiljeve dhe dyerve e dritareve “Loni Dekor” përveç tregut vendor, ka pushtuar edhe tregun evropian, ku së fundi ka realizuar me sukses projketin e montimit të dritareve të cilësisë më të lartë në Gjermani, shkruan Veriu.info.
Ky projekt u realizua në qytetin gjerman Bad Krozingen, në objektin SonnenHain, ku ekipi me profesonalizëm të lartë përfundoi montimin e dritareve.
E klienti përmes një letre publike ka falënderuar kompaninë “Loni Dekor” për profesionalizmin dhe cilësisë e lartë që nga përgatitja e tyre e deri në fazën finale.
Më poshtë ju sjellim letrën e plotë falendëruese:
Faleminderit për montimin e shkëlqyer të dritareve
Të nderuara zonja dhe zotërinj të Loni Dekor,
Dëshirojmë t’ju shprehim falënderimet tona më të sinqerta për realizimin e jashtëzakonshëm të punimeve në dritaret tona në shtëpinë SonnenHain. Nga koordinimi fillestar e deri te pranimi përfundimtar, gjithçka funksionoi në mënyrë të përkryer dhe pa asnjë pengesë.
Veçanërisht dëshirojmë të theksojmë:
• Mirësjelljen dhe qasjen tuaj korrekte gjatë komunikimit me ne dhe me njëri-tjetrin,
• Profesionalizmin e dukshëm në këshillim, planifikim dhe zbatim,
• Punën jashtëzakonisht të qetë – pothuajse pa zhurmë,
• Si dhe shpejtësinë mbresëlënëse, pa bërë asnjë kompromis në cilësi.
Rezultati na ka bindur plotësisht si në pamje ashtu edhe në funksionalitet. Ndihemi të vlersuar në mënyrë të shkëlqyer dhe do t’ju rekomandojmë me shumë kënaqësi. Ju falënderojmë për bashkëpunimin e këndshëm.
