Çdo një në katër dollarë të humbura përmes skemave të mashtrimit janë sot të lidhura me kriptomonedhat. Ky është raporti që nxjerr Komisionit Federal i Tregtisë në Shtetet e Bashkuara.
Që prej nisjes së vitit 2021, më shumë se 1 miliard dollarë u janë vjedhur mbi 46 mijë personave, sipas raportit të këtij komisioni.
Mashtruesit me kriptomonedha synojnë zakonisht viktima të moshave më të ulëta. Individët nga 25-40 vjeç janë tre herë më të rrezikuar të humbasin para prej mashtrimit, se sa grupmoshat e tjera dhe pjesa dërrmuese e këtyre mashtrimeve kanë të bëjnë me bitcoin.
Kriptovalutat u japin avantazhin zhvatësve të mos pasurit një llogari bankare, për të sinjalizuar transaksionet e dyshimta dhe faktin se transfertat e bëra në kripto nuk mund të zhbëhen.
Paralajmërimi vjen në një kohë kur tregu i kriptomonedhave është jashtëzakonisht i luhatshëm.
Forma e dytë më e përhapur e zhvatjes së kriptovalutave ka të bëjë me mashtrimin romantik, ku përmes një profili të rremë në rrjete sociale apo aplikacione njohjeje, mashtruesit i kërkojnë transferta parash viktimave të tyre.
Ndërsa forma e tretë ka të bëjë me individë që pretendojnë se punojnë në biznese të mëdha si Amazon apo Microsoft, apo shtiren sikur janë nëpunës shtetërorë. Mesatarisht një individ humbet nga këto forma mashtrimi rreth 2,600 dollarë./A2CNN
