Kryetari i komunës së Skenderajt, Sami Lushtaku ka mirëpritur sot në zyrën e tij ekipin e Drenica Futsall pas titullit fitues i kampionatit në futsallin e Kosovës, transmeton Gazeta Online Veriu.info.
“Urime kampionë e suksese në Evropë! ❤️🖤🏆” ka uruar Lushtaku.
Postimi i plotë:
Mirë se erdhët, kampionë! ❤️🖤
Sot pata kënaqësinë të pres ekipin e Drenica Futsall, fitues i kampionatit në futsallin e Kosovës, të cilët me lojë, angazhim dhe karakter na bënë krenarë të gjithëve.
Titulli i kampionit të Kosovës është një sukses i merituar dhe një dëshmi e punës së palodhshme të futbollistëve, shtabit teknik dhe drejtuesve të klubit për vite me radhë.
Tani na presin garat ndërkombëtare në Ligën e Kampionëve në futsall. Jam i bindur që Drenica Futsall do ta përfaqësojë me dinjitet Skenderajn dhe Kosovën, ashtu siç na kanë bërë krenarë gjatë gjithë sezonit.
Urime kampionë e suksese në Evropë! ❤️🖤🏆
SL
