Presidenti francez, Emmanuel Macron, ka njoftuar para pak minutash se ka vendosur që Franca ta njohë shtetin e Palestinës.
“Besnike ndaj angazhimit të saj historik për një paqe të drejtë dhe të qëndrueshme në Lindjen e Afërt, kam vendosur që Franca ta njohë shtetin e Palestinës” – ka shkruar Macron.
“Njoftimin zyrtar do ta bëj në Asamblenë e përgjithshme të Kombeve të Bashkuara në muajin shtator” – ka shkruar Macron në profilin e tij në Facebook.
Sipas presidentit Macron, sot është urgjente të ndalet lufta në Gaza dhe që popullata civile të shpëtohet. “Paqja është e mundur” – ka thënë ai.
“Menjëherë duhet një armëpushim, lirimi i të gjitha pengjeve dhe një ndihmë humanitare masive për popullatën e Gazës. Gjithashtu duhet garantuar demilitarizimin e Hamasit, të sigurohet dhe rindërtohet Gaza… “ – ka theksuar Macron.
