Ministri në detyrë i Mbrojtjes, Ejup Maqedonci, sot ka pritur në takim ambasadorin e Republikës së Shqipërisë, Petrit Malaj, me të cilin tha se ka folur për deklaratën trepalëshe Kosovë-Shqipëri-Kroaci, si dhe bashkëpunimin mes dy vendeve.
“Në takim me ambasadorin Malaj diskutuam rreth deklaratës trepalëshe, bashkëpunimit të deritanishëm ushtarak Kosovë-Shqipëri si dhe planet për të ardhmen, që në aspektin strategjik ka rol unik për stabilitetin, sigurinë dhe perspektivën euro-atlantike të dy vendeve dhe gjithë rajonit”.
Maqedonci tha se marrëdhëniet bilaterale “të cilat veçse janë dyfishuar gjatë katër viteve, do të intensifikohen edhe më tej ndërmjet dy shteteve simotra, ngase përtej aspektit diplomatik e politik, e kemi obligim ndaj kombit”.
