Pas disa ditësh të grevës, sonte për herë të parë deputetët e pushtetit kanë arritur të ulen në tavolinën e bisedimeve me minatorët grevistë të Trepçës.
Armend Muja, Halil Thaçi e Arjeta Fejza, sonte kanë nisur një takim të gjatë me minatorët grevistë.
Burime të Veriu.info nga takimi i sontëm, bëjnë të ditur se pushteti i Qeverisë Kurti është në prag të arritjes së marrëveshjes me minatorët grevistë, pasi që janë afër pranimit të marrëveshjes për realizimin e kërkesës së minatorëve për shkarkimin e U.D. Kryeshefit, Enis Abdurrahmani, që është njëra nga tri kërkesat e prera të minatorëve.
Siç mëson Veriu.info, për shkarkimin e U.D. Kryeshefit, minatorëve do t’iu kërkohet një kompromis, e i cili akoma nuk është mësuar.
Përveç kësaj kërkese, minatorët po kërkojnë edhe ekzekutimin e pagave me kohë, si dhe sigurimin shëndetësor dhe kushtet e punës.
