Deputetët e zgjedhur për legjislaturën e re do të mblidhen për të tentuar sërish konstituimin e kuvendit.
Seanca është e dyta për këtë javë dhe e 12-ta nga 15 prilli.
Mosmarrëveshjet mes partisë fituese të zgjedhjeve Lëvizjes Vetëvendosje dhe opozitës për emrin e kryeparlamentarit ka bërë që 11 seancat paraprake të dështoin.
Vetëvendosje po insiston në emrin e Albulena Haxhiut për postin e kryetares së kuvendit, emër ky i papranueshëm për partitë opozitare të cilët e kanë quajtur “përçarëse” figurën e saj, raporton IndeksOnline.
Në tri seancat e fundit, Lëvizja Vetëvendosje ka tentuar ta ndryshojë formën e votimit për zgjedhjen e kryetarit të kuvendit, në votim të fshehtë, por këto përpjekje janë kundërshtuar ashpër nga PDK-ja, LDK-ja dhe AAK-ja.
