Shkruan: Lorik Lipoveci
Dukuria e ndezjes së zjarreve është bërë shqetësuese po ashtu edhe incidentet të cilat mund të shkaktojnë pasoja materiale dhe vdekjeprurëse. Me qëllim të parandalimit dhe mbrojtjes nga zjarri, personat fizik dhe juridik që merren me veprimtari afariste dhe teknologjike, duhet të ndërmarrin masa elementare konform kornizës ligjore.
Këto masa elementare përfshijnë:
– Planin për mbrojtje nga zjarri dhe siguri në punë të hartuar nga eksperti ose kompania e licensuar.
– Pajisjen me aparate të fikjes së zjarrit (S-6) ose të përafërt, njëherit kontrollimin teknik të tyre sipas normave dhe afateve.
– Kuti të nevojshme të ndihmës së parë mjekësore së paku një të tillë për 20 persona të vendosur në vend të përshtatshëm dhe në pamje;
– Trajnimin e punëtorëve ose përsonit përgjegjës për mbrojtje nga zjarri dhe siguri.
– Dyert hyrëse dhe dalëse, daljet emergjente funksionale;
– Sistemin e alarmit kundër zjarrit;
– Hidrantin e ujit, i cili duhet të jetë funksional.
– Shenjat paralajmëruese dhe emergjente të afishuara në vende të dukshme;
-Lajmërimin me kohë të shërbimit emergjent në rast zjarri.
Ndërmarrja e këtyre masave është domosdoshmëri e kohës dhe zbatim i ligjit në fuqi. Institucionet kompetente komunale dhe qendrore duhet të organizojnë kontrolle dhe të jenë të përpiktë në kompetencën e tyre në zbatim të masave, sepse me këtë parandalohen incidente dhe shpëtohen jetë.
(Autori është njohës i emergjencave civile)
