Teksa duhen më pak se dy orë për nisjen e protestës së thirrur nga opozita para Kryeministrisë, ka nisur vendosja e kordonit të policisë parpara godinës.
Policia e Shtetit ka planifikuar të nxjerë rreth 1350 forca për të menaxhuar këtë protestën, duke nisur nga ato të rendit, FNSH, Shqiponjat do të jenë të angazhuar për mbarëvajtjen e protestës.
Të gjithë efektivët do të jenë të pajisur me maska kundragaz si dhe do të ketë edhe 5 autobotë me ujë nëse do të ketë nevojë në raste incidentesh.
Kujtojmë se ditën e sotme pritet të ketë trazira, pasi edhe Ambasada Amerikane në Tiranë u është drejtuar qytetarëve amerikanë që të shmangin protestën, dhe të jenë të kujdesshëm.
