Gazetari i njohur, Lirim Mehmetaj, ka komentuar në një shkrim që kryeministri në detyrë, Albin Kurti, e publikoi në rrjetin “Facebook” me rastin e 15-vjetorit të mendimit të Gjykatës Ndërkombëtare të Drejtësisë në favor të Pavarësisë së Kosovës.
“Mendimi Këshilldhënës i GjND-së i dha dritë njohjes vendimtare të së drejtës së popullit të Kosovës për shtetformim, vetëvendosje e liri. Ajo do mbetet akt i vulosjes së ligjshmerisë së pavarësisë së Kosovës në të drejtën ndërkombëtare, dëshmi për legjitimitetin ndërkombëtar të së drejtës për vetëvendosje të popullit të Kosovës dhe akt konfirmues i evidencës shoviniste e kolonizuese të Serbisë ndaj popullit shqiptar të Kosovës” – shkroi mes tjerash kryetari i VV-së.
Gazetari Mehmetaj i komentoi: “E paramendo ti nuk e njihje shtetin e Kosoves as pas ketij vendimi/mendimi.”
Komenti i gazetarit mori më shumë se 400 pëlqime deri në momentin e publikimit të këtij artikulli – gati sa gjysma e pëlqimeve që mori vetë shkrimi i Kurtit.
Kujtojmë se Kurti dhe Vetëvendosja ishin kundër Pakos së Ahtisarit, e cila më pas do ta sillte Pavarësinë.
