Presidenti i Shteteve të Bashkuara, Donald Trump, tha sot se kryeministrja italiane, Giorgia Meloni, e “luti” që të bënte një foto me të në samitin e G7-s këtë javë.
Në fillim të intervistës, Trump e drejtoi menjëherë bisedën drejt Melonit, duke e pyetur “si është kryeministrja juaj?” “Çfarë tha ajo kur u takua me mua? Ajo ndoshta është e lumtur që fola me të”, shtoi ai.
“Nuk kisha nevojë të flisja me të. Nuk di çfarë t’i them. Ajo më lutej të bëja një foto me të. Ajo donte shumë të bënte një foto me mua. Nuk do ta kisha pranuar, por më erdhi keq për të”, theksoi ai.
Kryeministrja italiane, Giorgia Meloni, ka akuzuar Presidentin e SHBA-së, Donald Trump, se ka sajuar një histori për të, pasi ky i fundit tha se ajo i ishte lutur të bënte një foto së bashku në samitin e G7-ës.
Meloni tha se ishte “e tmerruar” nga komentet e tij, duke pretenduar se ato ishin “plotësisht të sajuara”. Ajo gjithashtu e akuzoi atë se po tregonte shumë më tepër konsideratë për kundërshtarët e Perëndimit sesa për aleatët e tij të hershëm.
Meloni ishte e vetmja lidere evropiane e tuar në inaugurimin e tij vitin e kaluar. Marrëdhëniet u përkeqësuan kur qeveria italiane, në fillim të luftës me Iranin, hodhi poshtë një kërkesë të SHBA-së për të përdorur një bazë ajrore në Siçili për sulme gjatë luftës. Trump akuzoi Italinë se nuk po ndihmonte dhe tha se Meloni kishte ndryshuar mendje.
