Kancelari gjerman Friedrich Merz, ka thënë se ai dhe presidenti i Shteteve të Bashkuara të Amerikës, Donald Trump pajtohen se sa e tmerrshme është lufta në Ukrainë.
‘‘Ne të dy jemi dakord për këtë luftë dhe sa e tmerrshme është ajo, dhe të dy po kërkojmë mënyra për ta ndalur sa më shpejt.”
Merz po ashtu e ka cilësuar presidentin Trump si njeri kyç për ta ndaluar këtë luftë, duke thënë se Trump është “personi kyç në botë që vërtet mund ta ndalë këtë duke ushtruar presion mbi Rusinë”, dhe po ashtu se kancelari gjerman do të dëshirojë ta diskutojë këtë më në detaje në bisedimet dypalëshe.
“Dhe mendoj… kemi një detyrim të veprojmë tani, për ta ndalur këtë luftë pas tre vitesh e gjysmë, që është vërtet e tmerrshme.
Shikoni fëmijët – fëmijët që janë rrëmbyer nga Ukraina dhe janë çuar në Rusi. Kjo është diçka vërtet e tmerrshme.
Po flasim për instrumente, masa, për atë që mund të bëjmë. Dhe qëndrimi im personal është i qartë: ne jemi në anën e Ukrainës dhe po përpiqemi ta forcojmë atë gjithnjë e më shumë, vetëm që Putini ta ndalë këtë luftë.”
