Analisti politik Shenoll Muharremi ka vlerësuar se një marrëveshje politike në mes të VV-së dhe Nismës është vështir e realizueshme.
Ai ka treguar disa arsyeje pse një ujdi e tillë është vështirë e realizueshme.
Në profilin e tij në “Facebook”, Muharremi ka shkruar se të dy palet kanë interesa të ndryshme.
“Marrëveshje Kurti-Limaj? Vështirë e Realizueshme.. Rezultati pozitiv nga bisedat Kurti-Limaj po duket vështirë i arritshëm kur i kemi parasysh interesat e këtyre dy grupeve dhe çka kërkojnë ata. Mos harroni çka ka thënë LVV për Limajn për vite me radhë. Fjalët më të rënda të mundshme. Si me ja shpjegu këtë elektoratit të vet LVV në zgjedhjet e ardhshme? Nuk mundet dhe dëmi është i lartë. Përatë loja e Kurtit duket me qenë e thjeshtë. Limaj duhet me mbetë vetëm si deputet. Në qeveri me i shti disa fytyra të reja nga Nisma që askush nuk i njeh”, ka shkruar Muharremi, duke përmendur edhe interesin e Nismës.
“Në anën tjetër, interesi i Nismës është krejt ndryshe, Limaj dëshiron me qenë Kryetar Kuvendi, një pozitë që në prill të vitit të ardhshëm mundet me u kthy në President në Detyrë. Strategji kjo për ndikim të madh institucional. Pra, interesat nuk përputhen. E vetmja gjë që ky “bashkëpunim” e arrin është me ia zgjatë jetën qeverisë së Kurtit edhe për disa muaj, por me çmimin e dëmeve të mëdha afatgjate. Shkurt, ka më shumë gjasa mos me ndodhë kjo marrëveshje sesa me ndodhë. Edhe nëse ndodhë, kostoja politike për LVV është shumë më e madhe se përfitimi”, ka shkruar Muharremi.
