Kanë filluar të bëhen korrje-shirjet e grurit në Kosovë.
Një proces i tillë u krye të dielën edhe në Banjë të Pejës, ku u korrën 150 hektarë hapësirë grurë. Të njëjtat ia dorëzuan kompanisë së Devollëve për prodhim të miellit M&Sillosi.
Fermeri Adnan Dreshaj thotë se bashkëpunimi me këtë fabrikë u ka sjellë atyre shumë sukses në mbjelljen e grurit. Madje, ai thotë se kushtet që ua ofron M&Sillosi e lehtësojnë jashtëzakonisht shumë punën e tyre.
“Gjatë gjithë kohës , gjatë këtyre viteve kemi bashkëpunu vetëm me M&Sillosin, për shkak se është kompani e madhe, kompani serioze, e bën edhe transportin vet, na i sjellë direkt kamionët në arë, bëhet transporti me rregull”, ka thënë fermeri.
Por si ky bujk, janë edhe mijëra të tjerë gjithandej Kosovës që e dorëzojnë grurin tek prodhuesi gjigand. Andaj, radhët e gjata të dielën ishin edhe në Mleqan të Malishevës, ku bujqit shkuan për të dërguar të korrurat e tyre, në këtë pikë grumbulluese.
Përveç sasisë së madhe, këta thonë se M&Sillosin e bën të veçantë, edhe cilësia që e ofrojnë në fund.
Kapaciteti ditor i përpunimit të grurit është 600 ton, nga të cilat prodhohet miell.
