Punditi i çështjeve të ekonomisë, Shenoll Muharremi, i ka vlerësuar veçse si “fake news për militanta” pretendimet grandioze të Kryeministrit të Kosovës, Albin Kurti, për rritjen mesatare ekonomike më të lartën në rajon.
Muharremi, si një analizues gjithëpërfshirës i pretendimeve të pushtetit në veçanti në rrafshin e shifrave, tha se “nuk kam dëshirë Kryeministri i Kosovës me deklaru gjëra që nuk janë të vërteta se duket keq edhe ai edhe vendi ynë”.
Postimi i Muharremit:
Sot e kam dëgju KM duke e deklaru përsëri që sipas Bankës Botërore “Kosova ka pasur rritjen mesatare më të lartë në rajon” tri vitet e fundit. Kam tregu edhe më herët që kjo nuk është e vërtetë dhe nuk kam dëshirë Kryeministri i Kosovës me deklaru gjëra që nuk janë të vërteta se duket keq edhe ai edhe vendi ynë.
Këtu e kemi sipas Bankës Botërore sa ishin rritjet gjatë viteve të fundit dhe aty shifet kjartë që Mali Zi ka pasur rritjen më të lartë mesatare prej 8.60% (2021: 13%, 2022: 6.4% dhe 2021: 6.3%). Kjo e kalon rritjen mesatare të Kosovës prej 6.1% (2021-2023). Për ironi, ky NUK është një argument me u krenu për shkak se ka ndodhë në kohën e inflacionit të jashtëzakonshëm që ka shkatërru fuqinë blerëse të familjeve e qytetarëve dhe ku është dashur me politika ekonomike me ‘shkatërru’ kërkesën në treg, jo me stimulu me rritje.
Për atë vendet e zgjuara si Gjermani e kanë detyruar një recesion të butë të administruar, që mos të ketë kërkesë dhe rrjedhimisht të kontrollohet dhe zbritet inflacioni (shif trendin e rritjes se Gjemanise vitet e fundit, apo peridhen relevante).
Pra, nuk duhet me u krenu me rritje në kohë inflacioni se është një llapsus ekonomik, është sikur me ushqy kancerin tek një pacient i sëmurë. KM mundet me vazhdu me ju servu këtë ‘fake news’ milintantëve të vet, sikurse sot në Këshillin e partisë, por ai e bënë këtë edhe në paraqitjet tjera dhe del se paku jo serioz mos me thënë i pa informuar për trendet rajonale apo edhe më shumë një shpërndarës i informatave jo të sakta.
