Deputetja e Partisë Demokratike, Ganimete Musliu, ka deklaruar se pret një rezultat të fuqishëm të subjektit të saj në zgjedhjet e ardhshme, duke theksuar se sipas saj, ky rezultat do t’i hapte rrugë “daljes së vendit nga situata aktuale politike”, për të cilën mban përgjegjës kryeministrin Albin Kurti.
Musliu u shpreh se PDK-ja vazhdon të jetë një nga forcat kryesore politike në Kosovë dhe se kjo, siç thotë ajo, do të reflektohet edhe në votim.
Ajo theksoi se strukturat e partisë dhe mbështetësit e saj do të luajnë një rol kyç në rezultatin e pritshëm.
“Pres që PDK të dalë mjaft mirë në këto zgjedhje, aq sa ta nxjerrë Kosovën nga agonia ku e ka futur Albin Kurti. Falë strukturave të mirëorganizuara dhe votuesve besnikë e atdhedashës, PDK vazhdon të mbetet forcë kryesore në vend. Duke pasur parasysh punën e vazhdueshme në terren, besoj se kjo do të reflektohet edhe në rezultat. Kosova ka nevojë për një zgjim dhe koha është më 28 dhjetor”, përfundoi Musliu për Gazetën Blic.
