Një nga një i kanë numëruar projektet që nuk do të realizohen në vitin 2023. Kryetarët e komunave, disa prej të cilëve i ka kontaktuar Gazeta Blic, kanë thënë se janë totalisht të pakënaqur me ndarjet buxhetore që ka bërë Qeveria e Kosovës në projektbuxhetin për vitin 2023.
Një emërues të përbashkët e kanë pasi njëzëri, secili prej tyre thanë se në momentin që buxheti do të miratohet në Kuvendin e Kosovës, ata do t`i drejtohen Gjykatës Kushtetuese.
Shkak për këtë është një nen ku parashihen që komunave qeveria t`ua marr një pjesë të parave nga të hyrat vetanake.
Bali Muharremaj, kryetar i Komunës së Suharekës, e Smajl Latifi, kryetar i Rahovecit në gishta i kanë numëruar projektet që nuk do të mund t`i realizojnë vitin e ardhshëm në mungesë të mjeteve financiare.
Pavarësisht se të dy thonë se kanë pasur takim me ministrin e Financave dhe Transfereve, Hekuran Murati ku janë munduar t`i shpjegojnë nevojën për investime në komunat që drejtojnë, por as kjo përpjekje e tyre nuk ka ‘dhezë’.
Një vazhdim i rrugës me katër korsi, e cila kishte nisur në Rahovec nuk do të mund të përfundoj sipas Smail Latifit, në mungesë të buxhetit.
Smajl Latifi, kryetar i Rahovecit
“Absolutisht jam i pakënaqur, sepse nuk parashihet asnjë projekt i ri në komunën tonë. I jam drejtuar me letra Ministrisë së Financave dhe Qeverisë, por ka qenë e kotë. Ju kemi treguar shqetësimet tona. Për rrugën që është në punim e sipër, rruga katër korsi janë ndarë 1 milionë, e që kjo rrugë deri në përfundim ka kosto buxhetore rreth 6 milionë euro”, thotë Latifi për Gazeta Blic.
Sipas tij, edhe disa projekte që ishin paraparë të kryhen për sivjet, janë hequr nga kodet dhe nuk parashihet asnjë cent për to.
“Projekti prej Hoqes së Madhe e deri në Krushë është hequr krejtësisht nga kodet buxhetore. Po ashtu rregullimi i shtretërve nga Hoqa e Madhe, Nagavc e Krushë nuk ekzistojnë në kod. Po ashtu nuk ekziston në kodin e buxhetit as ndërtimi i stadiumit në qytetet”, thotë Latifi, i cili ka përmendur edhe shumë projekte që nuk do të mund të realizohen si pasojë e mungesë së mjeteve financiare.
“Jo vetëm për shkak të diskriminimit të komunave që nuk do të ketë projekte tjera, por ka edhe një nen në ligjin e ri për buxhetin te të hyrat që eshtë antikushtetues dhe cenojnë shumë rëndë pavarësinë e komunave të Kosovës. Do t`i drejtohemi Gjykatës Kushtetuese”, rrëfen ai.
E, Bali Muharremajt mos ndarjen e mjeteve për ndërtimin e stadiumit të futbollit në qytet dhe sallën për basketboll ‘i ka vajtuar ’ fortë dhe për këtë ka pasur një arsye.
Bali Muharremaj, kryetar i Suharekës
“Ju e dini që FC Ballkani është kampion dhe ka luajtur në gara ndërkombëtare dhe ne kishim planifikuar rregullimin e stadiumit në qytet, por nuk janë ndarë mjete. Po ashtu KB Ylli është kampion dhe ka luajtur po ashtu në gara ndërkombëtare, e ku ndeshjet është dashur t`i luaj në sallën në Prizren”, thotë ai.
Edhe Muharremaj ka thënë se do t`i drejtohen organit më të lartë juridik në vend.
“Asnjëherë nuk ka ndodhur që të hyrat e komunave me projektbuxhetin e ri mund t`i marrë Qeveria e Kosovës. Në momentin e votimit në Kuvend do t`i drejtohemi Gjykatës Kushtetuese”, tha ai.
Reagim të ashpër për këtë nen kanë pasur edhe kryetarët e komunave të tjera, por që në fillimin alarmin për këtë veprim të Qeverisë e ka ngritur Përparim Rama i Prishtinës, i cili ka thënë se në rast të miratimit në Kuvend të ligjit për buxhet , kryeqyteti do të ketë 33 milionë euro më pak për shkak se mund t`i “avullohen” nga ekzekutivi.
Reagimi për ndarjet buxhetore për projekte të ndryshme ka pasur edhe Instituti GAP sipas të cilit qeveria e ‘lëshoi dorën’, vetëm në ato komuna që udhëhiqen nga partia në pushtet Lëvizja Vetëvendosje.
Ndryshe, ditë më parë komunat e drejtuara nga AAK në një konferencë me gazetarë nuk ishin pajtuar me vendimin e Qeverisë që t’ua marr të hyrat vetanake, duke paralajmëruar ankesë në Gjykatën Kushtetuese.
JU REKOMANDOJMË
Parashikimi i motit për ditën e sotme
Të dielën parashikohet që në orët e mëngjesit të krijohen kushte për vranësira të ulëta dhe mjegull nëpër ultësira dhe lugina, të cilat pritet të tërhiqen në orët...
Më shumëDetailsRaporti i Progresit, pozitë e opozitë me qëndrime të kundërta
Raporti i Progresit i Komisionit Evropian për vitin 2026 ka vënë në pah ngecjet në disa sektorë të Kosovës. Përderisa ministrja Mimoza Kusari-Lila u ndal te mungesa e...
Më shumëDetailsKrejt çka dihet deri më tani për sulmin në Krakov me 6 të vdekur, detaje për të dyshuarin dhe pamje duke ikur njerëzit
Të paktën gjashtë persona u vranë dhe disa të tjerë u plagosën, kur një person i armatosur – për të cilin dyshohet se ka lidhje me të djathtën...
Më shumëDetails“Thaçi kishte lidhje me familjen Jashari” – Ish-koloneli jugosllav: Nëse konfirmohet vendimi në Apel, UÇK-ja do të etiketohet si organizatë terroriste
Ish-koloneli i Ushtrisë Jugosllave, Srbobran Radić, ka komentuar procesin gjyqësor ndaj ish-krerëve të Ushtrisë Çlirimtare të Kosovës (UÇK), duke pretenduar se përmasat e tij tejkalojnë përgjegjësinë individuale të...
Më shumëDetailsRacaj: Unë e argumentoj ikjen e mjekëve Kryeministër, a mund ta argumentoni ju kthimin?
Besfort Racaj, kryetar i Këshillit Studentor të Fakultetit të Mjekësisë në Universitetin e Prishtinës, i ka reaguar kryeministrit Albin Kurti, i cili të premten deklaroi se gjatë vitit...
Më shumëDetailsVendimi i komunës së Prishtinës – Shtrenjtohet parkingu, shqetësohen banorët
Me rregulloren e re të miratuar nga Kuvendi Komunal, shfrytëzimi i parkingjeve në Prishtinë do të kushtojë më shtrenjtë. Nga një euro në 1.40 euro. Kjo është tarifa...
Më shumëDetails