Nënkryetari i komunës së Mitrovicës, Arian Tahiri, ka ndarë lajmin e mirë se është nënshkruar kontrata për pastrimin dhe mirëmbajtjen e liqenit akumulues, raporton Gazeta Online Veriu.info.
Ai ka thënë se për të ardhmen kanë menduar një zgjidhje afatgjate, kthimin e gurëve në shtratin e liqeni dhe plazhet t’i mbushin me rërë.
Postimi i plotë:
E di që secili prej jush keni qenë të shqetësuar për barishtet në Liqenin Akumulues. Jam shqetësuar edhe unë.
Por, lajmi i mirë është që procedurat kanë përfunduar dhe kemi nënshkruar kontratën për pastrimin dhe mirëmbajtjen e Liqenit.
Edhe për të ardhmen kemi menduar. Do t’i kthejmë siç kanë qenë gurët në shtratin e Liqenit e do t’i mbushim plazhet me rërë, për të krijuar ambient dinjitoz.
Faleminderit për mirëkuptim🙏
